7.27.2010

雞蛋仔

月初做了一件十多年都沒有做過的事情﹐就是興之所至地買了一底雞蛋仔…… 

雞蛋仔其實是鬆餅(waffle)的一種﹐同樣是要把麵糊倒進烤盤凹凸的格子裡,把麵糊壓出形來。只是雞蛋仔的烤盤格子呈橢圓形而非方格﹐烤壓出來的鬆餅顏色形狀都像一小排雞蛋﹐因而得名。一底的雞蛋仔﹐就是一整烤盤的數量。

上世紀某年在港島區唸初中﹐依稀記得在聖約瑟小學附近﹐有一位師傅擺檔賣雞蛋仔。單單一輛木頭車便建起了小食皇國﹐撲鼻的芳香曾經讓我失去任何抵抗能力﹐非買一底不可。回到校門前準能把褐色紙袋裡的雞蛋仔全部幹掉﹐只能說那時正值發育年齡。 

因自幼家規嚴峻﹐說來慚愧﹐直至今天還沒真真正正在路旁吃過碗仔翅咖哩魚蛋豬紅蘿蔔等等著名香江美食。唯獨雞蛋仔﹐父母卻意外地網開一面﹐是以我們都對雞蛋仔有著難捨難離的情意結。

話說數星期前在多倫多放假﹐要到商場辦理一些瑣事﹐因為沒吃早餐﹐於是即興買了一底﹐盛惠加幣三元五角。感覺每一枚的雞蛋仔彷彿縮小了﹐然後禁不住嘴裡邊吃﹐腦裡邊尋覓過往的回憶。後來放棄了比較﹐其實一底的雞蛋仔數量並沒有縮小﹐每一枚的雞蛋仔也沒有偷工減料﹐不過是潛伏的印象留下了錯覺。雖然不脆比脆的多﹐也有點甜﹐但出爐不久的雞蛋仔仍很香很軟很好吃。

在楓葉國想吃雞蛋仔要到商場的鋪位才可以買得到﹐目的性必須很明顯﹐不像香港那麼多選擇﹐可在路邊隨緣碰到。

反正下一次要吃雞蛋仔的時候不在今天也不在明天。回憶裡﹐回味著曾經擁有。

8 comments:

Fun said...

你講嗰檔雞蛋仔應該係喺我小學下路門口附近,真係好好味架!:)

以前喺market village都有買來吃,味道雖然一般,但都係一種心靈安慰..

話時話,而家喺香港雖然仲周圍可以搵到,但味道真係同以前爭好遠,大部份都係一pat粉淡茂茂!喺得北角同旺角有三幾檔仲叫幾好..

Anonymous said...

這裡的唐人街有兩檔,因為太矜貴,所以賣得好貴。

naruto said...

一定要多人幫趁果D先好食,因為即整呀,攤得太耐,霖patpat呀

Leo said...

因自幼家規嚴峻﹐說來慚愧﹐直至今天還沒真真正正在路旁吃過碗仔翅咖哩魚蛋豬紅蘿蔔等等著名香江美食。

下次返嚟搞返個路邊美食團喇咁!


p.s. 免費校對:偷功減料 = 偷工減料

galaxy said...

好多父母都唔準自己的小朋友食街邊野。
睇下個小朋友反唔反叛,我從來未試過當住父母面前食街邊野。
你是聽話的乖仔囉。

best actor said...

fun:
我堂妹話﹕以前黃泥涌道口果個伯伯賣D,香到呢

readandeat﹕
物以罕為貴﹐雞蛋仔都變貢品。

naruto﹕
攤得太耐,馬路又多塵。

Leo﹕
o下﹐路邊美食團....?
謝謝免費校對 :o)

galaxy:

小學坐校車﹐中學D同學又唔鍾意食街邊野。
無試過唔知算唔算無損失﹖

TT said...

我都想問係咪Market Village裡面果間? 想當年我都成日幫襯, 係麻麻架喇, 不過情意結囉.... ! 後來太古廣場都有, 但好少幫襯!

(ps. 講緊係十幾年前既事)

best actor said...

TT:

咪就係MV果間囉﹐呢邊基本上十年如一日。

:o)

LinkWithin

Related Posts with Thumbnails