9.25.2010

記於新幹線上

月十八日我們乘早上七點鐘班機出發(即五點多鐘便要到達機場)﹐途經溫哥華逗留了四個小時﹐轉機續飛﹐到達東京成田空港已是九月十九日下午四時。從著足日本的一刻開始﹐我們可算是馬不停蹄地一站緊接著一站﹐沒有浪費片刻時間﹐姬路﹑廣島﹑宮島﹑京都……沿著原定的計劃﹐卻也隨機應變。昨日﹐我們離開京都﹐乘新幹線來到東京﹐也是我們日本之行歇宿的最後一站。

我們在池袋區下榻﹐住的是一所玲瓏簡樸的日本旅館﹐房間面積只有六個榻榻米那麼大﹐但勝在臨近JR火車站﹐價廉物美。再次感謝火影寄贈的東京旅遊秘笈﹐要不我們都不知道九月最後一個周末是日本一年一度的貓頭鷹祭(ふくろ祭り)﹐舉行的地方正是池袋﹗正好昨天舟車勞頓﹐適逢街頭大祭的盛會﹐我們今天隨便在附近輕鬆一下﹐明天才乘山手線及地下鐵到東京其他地方漫遊。

單我一人而言﹐暫時已拍下了近一千二百張的照片﹐T的照相之數﹐也應相差無幾。照片太多﹐需要整理﹐上傳也不太方便容後補上。以下是來到日本後隨便記下來的胡思亂想﹐瑣事三四:
  • 近周日本的兩大新聞﹐分別是中日「釣魚台列嶼/尖閣諸島」的政治探戈和西雅圖水手隊右外野手鈴木一郎創下「連續10個球季200支以上安打」的世界紀錄。
  • 每天我們早上大約四時醒來﹐晚上九時入睡。早上起來﹐電視裡胡兵教著日本人說普通話。晚上則有肉騰騰的相撲賽事。
  • 因過去一周氣溫悶熱 (以我們的標準而言)﹐我們試過一天曾吃三次冰淇淋的紀錄﹐最喜愛的味道不是抹茶而是黑芝麻。自投幣機買來的冷飲﹐更是指不勝屈。
  • 使用JR火車通用票來暢遊日本實在是最明智的方法﹐費用還包括了宮島的渡輪及東京的JR火車網﹐既方便又省下不少金錢。
  • 新幹線提示乘客下車前的音樂是陳潔靈的「懷著信心﹐無言地等﹐伴我是青天朗日浮雲」(即山口百惠的《いい日旅立ち》)﹐十分有親切感。
  • 在很多地方都不見垃圾箱﹐然而地上一點垃圾都沒有﹐真的佩服。
  • 早上商店店東開業前都會打掃門前的地方﹐灑水澆花﹐甚具古風。
  • 我們的手提電腦的插蘇是三腳的﹐旅館的插蘇比較舊式是兩腳的﹐因此我們要到百貨公司偷電去﹐直至找到插蘇駁腳才金盆洗手。
  • 這邊飯膳禮儀不少﹐如筷子須橫放﹐及不能夾菜給他人等﹐我們都一一犯過忌諱了。至少﹐吃拉麵時呼呼作響﹐絕對入鄉隨俗。

4 comments:

Coffee said...

>>在很多地方都不見垃圾箱﹐然而地上一點垃圾都沒有﹐真的佩服。

同感!不過在香港方便慣了,在日本試過整日都見唔到一個垃圾桶,要袋住袋垃圾回酒店才有得掉,都幾,嘿嘿!但真得喜歡日本團結一致的民族性,人人都做好。

Tat said...

1.兩大新聞
都去旅行咪鬼理咁多啦

2.朝四晚九
你兩老咁早起身去做晨運?

3.投幣機的冷飲
想當年去日本又係三十五度以上,我不停食雪條都頂唔住,有一次係廸士尼差D中暑

4.省錢
你地加幣兌日元重好D,港幣兌日元,嘩,真係死得人。

5.無言地等
你係咪跟住唱?

6.垃圾
呢家野幾神

7.門前灑水澆花
我未試過咁早起身,睇唔到呢

8.百貨公司偷電
吓,點偷,唔該講清楚少少,等後人可以學吓

9.﹐吃拉麵
我不論係香港或日本,食麵都無聲,哈哈

相片方面,或者我可以幫到你。

naruto said...

兩腳插蘇旅館有得借卦?

ps:等睇相

best actor said...

Coffee n Tea

係啊﹐公民教育係做得唔錯﹐治安亦好好。雖然職業仍然依據性別作分野﹐但好多男人都係交通工具上讓位俾女人﹐叫做有D進步。唔習慣有好多人食煙。

Tat

1.兩大新聞 - 都去旅行咪鬼理咁多啦
哈哈﹐我驚無左我中日關係會好緊張呀嘛。

2.朝四晚九 - 你兩老咁早起身去做晨運?
因為時差﹐我頂多只可以目訓到四點幾﹐T就叻D。睇下電視﹐翻揭旅遊參考書﹐編下是日旅程﹐睇下影落D相﹐老餅打發時間好易。

3.投幣機的冷飲 - 想當年去日本又係三十五度以上,我不停食雪條都頂唔住,有一次係迪士尼差D中暑。
去廣島有呢種感覺﹐所以唔停飲住野又搵樹陰。我有個朋友個家姐同佢又係o係數Tokyo Disney﹐個家姐話口未完無事﹐唔夠幾秒就中暑暈低。

4.省錢 - 你地加幣兌日元重好D,港幣兌日元,嘩,真係死得人。
我換日圓果一日﹐日本仲壓低左匯率少少添。今次真係多謝加幣o既.

5.無言地等 - 你係咪跟住唱?
無唱出黎﹐但諗左好耐先記得起係懷著信心。

6.垃圾 - 呢家野幾神
唔好話﹐加拿大都唔得啦。

7.門前灑水澆花 - 我未試過咁早起身,睇唔到呢。
o係姬路﹐京都等地見得多一D。

8.百貨公司偷電 - 嚇,點偷,唔該講清楚少少,等後人可以學嚇點偷﹖

如果相機電腦無電﹐我地都會去搵百貨公司或火車站的food court﹐搵個位係o係插蘇附近﹐買杯“珈琲”同件餅﹐扮睇地圖﹐之之坐坐﹐坐佢至少半粒鐘﹐其實乘機偷電。有時候個插座會有塑膠套塞﹐寫明唔準偷電﹐不過D女服務員掛住傾計﹐唔會趕客。

9.﹐吃拉麵 - 我不論係香港或日本,食麵都無聲,哈哈
嘻嘻﹐無聲勝有聲。過去一個星期﹐食拉麵食到有D厭﹐有D湯底略嫌師父落鹽重手得滯。不過好鍾意大大隻碗食麵o既感覺。

“相片方面,或者我可以幫到你。”
唔該晒﹐我連upload o既cable 同 card reader 都無帶﹐不過好快會同各位分享。

naruto﹕

果然有先見之明﹐一猜就中。只係我地借返黎o既仍然係得兩隻腳o既﹐不過我地將三隻腳o既 插蘇插入兩隻腳內再插入牆。雖然有一隻腳(地線)暴露在外﹐但係work o既﹐只係要睇實時先好用﹐唔係燒左間木搭o既旅館就唔係幾好啦。

等睇相 - 一定一定。 ;o)

LinkWithin

Related Posts with Thumbnails