玩開繼續玩﹐玩玩真人騷。買定離手﹐開﹗
《小露寶》- 主角小露寶最驚o既兩樣o野係咩o野? (hint: 與鋼鐵老師無關)
(aired in HK: 1976)
《小露寶》- 主角小露寶最驚o既兩樣o野係咩o野? (hint: 與鋼鐵老師無關)
(aired in HK: 1976)
《天地雙龍》- 兩位仁兄係咩關係﹖
(aired in HK: 1977)
(aired in HK: 1977)
《五勇士》- 即第一代的Power Ranger! 黃勇士用咩武器﹖
(aired in HK: 1978)
(aired in HK: 1978)
《無敵大鐵人》- 每集都用o既絕招係咩﹖
(aired in HK: 1978)
《排球女將》- 小鹿純子o既「離心獨劈」曾經被邊個同被咩招式破解過呢﹖
(aired in HK: 1981)
(aired in HK: 1978)
《排球女將》- 小鹿純子o既「離心獨劈」曾經被邊個同被咩招式破解過呢﹖
(aired in HK: 1981)
老餅系列
◆ 老餅問答遊戲 I (卡通版) ◆
◆ 老餅問答遊戲 II (真人版) ◆
◆ 老餅劇場 (花旗篇) ◆
◆ 老餅劇場 (東洋篇) ◆
16 comments:
我從不看超人卡通或特攝片的(或者看了冇入腦)，所以只識答《排球女將》: 反離心獨劈。
小露寶最驚曱甴&打針(小吱喳)
天地雙龍係兩兄弟
黃勇士用咩武器﹖ 唔識
無敵大鐵人絕招係原子能死光
識個d俾人答晒添，唯有補充少少啦..
用反離心獨劈既叫西方美樹，原本係田徑隊隊員，有驚人彈跳力，個樣好衰架~~
哇﹐騷花大家答親都o岩﹐幾位同學真係留心。
1 小露寶的確最怕蟑螂同小吱喳 (護士機械人)o既巨針。
2 天地雙龍嚴格o黎講係兩件機械人﹐所以唔算係兄弟。只不過呢﹐呢兩件係葉山博士根據佢兩個仔讓治同龍治製造﹐所以話佢地係兩兄弟都係o岩o既。
3 答案幾簡單架。
4 無敵大鐵人絕招o係無記播o既時候叫原子能死光﹐o係佳視播o既時候用另外一個名。
5 阿Chi同Fun 都答o岩﹐係西方同學o既反離心獨劈﹐即係當小鹿同學跳彈床10幾尺高﹐前胸翻殺球o既時候﹐阿西方同學同時跳彈床﹐後胸翻攔網。後來成日戴headband o既西方同學o既反離心獨劈點解又失傳呢﹖
> 後來成日戴headband o既西方同學o既反離心獨劈點解又失傳呢﹖
西方同學患病離世，這是《排球女將》的喊位，我好似都有喊。
患病(血癌?)離世嗰個係小鹿個好姊妹夏川由加呀,佢最叻占卜..
但係點解失傳就唔係好記得添~~ 同雙人離心獨劈有無關係?
根據網上資料, 原子能死光係佳視時係叫"電離子攻擊".
黃勇士用咩武器﹖既然答案幾簡單架, 咁我估佢用拳頭啦, 佢咁肥獅大隻.
rx-178同學又答中﹐"原子能死光"之前係叫電離子攻擊﹐唔知"負離子電髮"係唔係從大鐵人o既高科技衍化出o黎o既副產品﹖
“五勇士”最重要o既地方係自此帶出o左一系列差唔多o既POWER RANGERS (超級戰隊系列)﹐呢股"暴"風橫掃北美﹐連迪士尼都almost見一套譯一套﹐直至今日。我細個果陣有一件黃勇士o既"超合金"﹐極其愛惜﹐所以對肥獅大隻﹐本身係柔道高手o既黃勇士(大岩大太) 甚有感情。
“五勇士”各有武器﹐紅勇士頭盔上o既“眼鏡”會變成長鞭﹐藍勇士o既“箭咀”變成弓箭﹐桃紅勇士有心型飛卡同耳環炸彈﹐綠勇士面上o既“V”則變成回力標。
黃勇士大部份都唔用武器﹐齋用拳頭﹐但係其實佢都唔係冇武器﹐佢面上o既“一字”會變成一碌棍﹐棍頭可以變樣﹐例如棍上係個拳頭(唉)。
呢套電視劇一共84集﹐一個星期播一集都要播一年半﹗
超級戰隊系列從1975年日本面世至今﹐已推出過32個版本。美國從93年推出第一部合作/翻譯版o既Power Rangers至今亦有15個版本。細個果陣當然唔少得從梳化上飛跳而下﹐手郁頭唔郁咁﹑好似戰隊成員好堅咁講o野啦﹗
好勒﹐只剩低排球女將“反離心獨劈”o既後補問題並未解答﹐其實FUN已答中o左一半﹐係同“雙人離心獨劈”同小鹿純子繼“離心獨劈”後o既絕招有關.....
好緊張~~
雙人離心獨劈失傳係咪因為夏川由加死鬼左呢？
至於離心獨劈啦喎.. 係咪因為如果要練好鬼影旋風球就唔可以再用離心獨劈？
我記得小鹿得到佢老母本筆記先揭發到鬼影旋風球呢招失傳已久既絕世奇招..
如果無記錯開頭練極都爭d，後尾唔至點樣發現起跳前只可以行“步半”先可以成功..
咁到諗到，個編劇真係勁~
http://www.tudou.com/playlist/id/194047/
《排球女將》大陸叫《青春的火焰》，土豆網71集有齊，好開心，可以重溫番晒喇。
http://hk.youtube.com/watch?v=J0cKt_qzKXk
呢集係難忘喊位，必看。
哇太好啦﹐有得寶貴片段重溫﹗﹗阿Chi 唔該晒﹗ :o)
wei wei when will u tell us the answer je?!?!?!
sorry Fun﹐賣關子太耐﹐唔好意思﹗﹗
重新睇翻片段﹐先知愛戴headband o既﹐其實係油加膩﹐而首次使出反離心獨劈o既﹐既唔係油加膩﹐亦唔係西方﹗o係第44回﹐純子考取奧運國家隊﹐被主攻手高櫻密子使出反離心獨劈block 死了純子的扣球。使純子極度驚訝。後來純子同油加膩練成o左雙人離心獨劈﹐反離心獨劈已無用武之地。及後純子又練成o左鬼影旋風球﹐就無人打得過佢。阿們﹗ :o)
哎呀.. 亂哂添.. 咁西方出現嘅作用係咩?
真係要由頭睇一次先~~
西方美樹在排球女將的價值是要證明一件好冇manner o既豬扒﹐練成了離心獨劈後﹐會變成一件好有manner o既豬扒。不過豬扒o既本質改變唔到。
Post a Comment