5.30.2011

曲折離奇

大學的時候有兩種食物長隨左右﹕一是丹麥藍罐牛油曲奇﹐另一是急凍奶黃包。前者是一邊唸書時一邊抱著吃的體己食物﹐後者是大清晨起來應考前的早餐。頗懷念那時候自己的消化系統﹐吃什麼垃圾都不怕會變成腹中塊肉。回想起來﹐總覺不可思議。

小時候吃曲奇餅﹐最不喜歡吃嵌著葡萄乾的薑餅﹐總覺得是最枯燥無味的配搭﹐而且賣相一點都不吸引。當時最愛吃的﹐是沾滿糖霜長方型和椒鹽卷餅型(pretzel)的曲奇﹐可說是鹹甜合璧的最佳典範。家人打開罐子﹐最早吃光的﹐就是這些沾著糖霜的曲奇。空空的白色牛油紙餅墊﹐是虛是實﹐一看便知哪一款曲奇餅的味道供不應求還是令人敬謝不敏。

怪只怪衛生局引進了食物標簽條例﹐多少脂肪多少鹽糖含量﹐霎時無所遁形。單瞧一眼餅罐邊的標簽﹐便教人三思。現在已不會像求學時期那樣想也不想便跑進超市﹐隨手抱一罐買回家任意享用。真的﹐一切都有代價。

廣告界巨人紀文鳳曾經為這個產品設計了一個經典的廣告﹐其中一句﹕「你又帶兩梳蕉就探人,點好意思呢?」和「點只汽水咁簡單」同樣膾炙人口。

10 comments:

naruto said...

我又係食哂沾糖果兩種呀,最唔食係長方乜都無果隻

早幾年經常買佢隻細盒裝嚟食,真係唔掂呀,食一盒肚腩就多舊野呀真係

Coffee said...

哈!我最喜歡的倒是有提子那款,最不喜歡的便是沾上糖那種!

best actor said...

火影﹕

咩都無同提子果隻都唔係好銷得。
30以前個肚係黑洞﹐30以後個肚係生肉工具。不可不信邪。

Coffee﹕

而家想起﹐有提子果款應該係糖份最低。 :o)

galaxy said...

唔係喎,pretzel型o個款都係佈滿糖嫁, 細個都係最喜歡佈滿糖那兩款,現在反而喜歡葡萄乾款,哈~年紀大了,都係平平淡淡好。

Artman said...

我都係最唔鍾意有提子那隻, 那時覺得好吃的曲奇餅應該係超鬆脆, 但唯獨提子那隻不夠脆, 我們三姊弟都唔食, 俾番晒老豆食.
依然久唔久會食曲奇餅, 但不再是藍罐了, 轉而是其他本地bakery shop的曲奇餅.

Tat said...

吓,又會個個都唔鍾意隻提子的,滿糖粒個一隻細細個係好鍾意食,提子都可以的。但漸漸大個,越嚟越少食糖粒個一款,真係食多咗提子個一款,因為依家有小型包裝的藍罐,我成日諗,最好出一包成包都係提子。

不過咁,咁多年嚟,我最唔鍾意食,係個一款上面有D扭紋的。

best actor said...

galaxy﹕

係呀﹐pretzel型o個款係佈滿糖霜﹐我將個頓號整走﹐可能清楚D。而家我就係睇一眼都夠皮。

Artman﹕

哈哈﹐以前都係老豆包提子果隻賣剩蔗﹐好慘啊。呢邊本地bakery的曲奇餅好多都軟啤啤﹐要脆﹐可能要靠自己焗。

Tat:

其實隻提子唔係惡食﹐只係一唔甜二唔靚﹐細路仔自然挑剔。有扭紋果隻係尾二之選。哈哈。

Fun said...

其實呢個藍罐曲奇係毒藥黎架lor!!!

實情我最like圓形乜都無個隻,其次係有窿有糖面個隻.. 但最多人唔like個隻提子我都ok喎..

星若 said...

我最喜歡吃圓形咩都無嗰隻,一來牛油味較濃,二來無人同我爭!! :D

best actor said...

Fun

哈哈﹐呢罐餅真係腰圍殺手或體重煞星。哇﹐圓形plain﹐糖面同提子你都ok﹐誘惑好大。

星若

圓形牛油味濃係事實﹐洋人仲喜歡一邊食一邊醮牛奶添。人棄我取﹐高﹗

LinkWithin

Related Posts with Thumbnails